देवेंद्र पावले नाहीतर जेलमध्ये गेला असता. आता तरी सुधरा, नीट वागा असे म्हणज जयकुमार गोरे यांनी माजी सभापती रामराजे नाईक निंबाळकर यांच्यावर जहरी टीका केली.
फलटण येथील मेळाव्यात ग्रामविकास मंत्री जयकुमार गोरे यांनी “असत्य, कटकारस्थानाचा आनंद तात्पुरता असतो. शकुनी मामांनी कटकारस्थानातून दुर्योधनाच्या अंताचा आसुरी आनंद घेतला. तशाच प्रकारचा असुरी आनंद जयकुमार गोरे, रणजितसिंह तसेच गाळेधारकांवर अन्याय करत असताना ते आसुरी आनंद घेत होते. मात्र त्यांनी रचलेला डाव आता त्यांच्यावरच उलटला आहे. स्वतःला वाचवण्यासाठी कोणा-कोणाचे पाय धरलेत हे मला माहित असल्याचे,” म्हणाले.
परमेश्वराच्या रुपाने आपणाला देवेंद्र पावले. मी माफ केलं म्हणून जेलमध्ये बसायचं वाचलात असेही जयकुमार गोरे म्हणाले. त्याची जाणीव ठेवा. आता तरी सुधरा, नीट वागा. चुकीचं वागलात तर ते तुम्हालाच फेडावे लागणार आहे हे ही ध्यानात ठेवा अशी टीका जयकुमार गोरे यांनी रामराजेंवर केली.
