हल्ली कोणताही ऐतिहासिक चित्रपट म्हंटला की वाद झालाच पाहिजे. ऐतिहासिक चित्रपट आणि वाद हे एक समीकरणच झालंय. मग आंदोलनं करायची, वाद घालायचा, कलाकारांना धमक्या द्यायच्या आणि चित्रपटातील काही दृष्यांवर कात्री लावायला भाग पाडायचं. इतिहास खूप चुकीचा दाखवला असेल तर आपण हे मान्य करू पण उगाच वाद घालणं हे योग्य नाही.
सध्या अभिनेता विकी कौशल आणि अभिनेत्री रश्मिका मंदाना यांच्या प्रमुख भूमिका असलेला ‘छावा’ हा चित्रपट सध्या वादाच्या भोवऱ्यात अडकला आहे.
या चित्रपटाचा ट्रेलर नुकताच प्रदर्शित करण्यात आला. यातील काही दृश्यांवर नेतेमंडळी व सामाजिक संघटनांकडून आक्षेप घेतला जात आहे. चित्रपटाच्या ट्रेलरमध्ये छत्रपती संभाजी महाराज व महाराणी येसूबाई एकत्र नृत्य करताना दाखवण्यात आलं आहे. यावरून समाजमाध्यमांवरून अनेकांनी आक्षेप नोंदवला आहे. तर, काही संघटना रस्त्यावर उतरून आंदोलन करू लागल्या आहेत. यावरचा हा खास विश्लेषणात्मक व्हिडिओ नक्की पहा
