लहानांपासून मोठ्यांपर्यंत अनेकांना पपई खूप आवडते. पपई खाण्याचे अनेक फायदे आहेत. पण, तुम्हाला माहितेय का, फक्त पपईच नाही, तर या झाडाची पानेसुद्धा तितकीच आरोग्यदायी असतात. चला जाणून घेऊया पपईच्या पानांचे सेवन करण्याचे फायदे.
पपईच्या पानांचे सेवन करण्याचे आरोग्य फायदे
डेंग्यूमुळे अनेकदा शरीरात प्लेटलेट्सची कमतरता येेते. प्लेटलेट्सच्या कमतरतेमुळे हिमोग्लोबिनची पातळीदेखील कमी होऊ शकते. अशा वेळी पपईच्या पानांचे सेवन फायदेशीर ठरू शकते.
दुर्धर विकारांचा धोका कमी करण्याची क्षमता
पपईच्या पानांचे पाणी नियमित प्यायल्याने पेशी खराब होत नाहीत. या पानांच्या पाण्यातील अँटिऑक्सिडंट्स हृदयविकार, मधुमेह आणि विशिष्ट प्रकारचे कर्करोग यांसारख्या विकारांचा धोका कमी करू शकतात.
पचनासह मधुमेहाच्या व्यवस्थापनास मदत
पपईच्या पानांच्या सेवनाने पचनास मदत होते. आतड्याच्या आरोग्यासही या पानांचे सेवन फायदेशीर आहे. रक्तातील साखरेचे नियमन, मधुमेहाचे व्यवस्थापन करण्यास पपईची पाने मदत करतात.
केसांची वाढ होते
पपईच्या पानांचे पाणी केसांच्या आरोग्यासाठीही फायदेशीर आहे. पपईच्या पानांमध्ये कॅल्शियम, लोह यांसारखे पोषक घटक असतात, जे केसांच्या वाढीस प्रोत्साहन देतात. त्यातील अँटिऑक्सिडंट्समुळे केस गळणे कमी होते आणि केस पांढरे होत नाहीत.
