उपमुख्यमंत्री एकनाथ शिंदे यांच्यावरील टिप्पणीमुळे राज्यातील राजकीय वातावरण चांगलेच तापले आहे. एकनाथ शिंदे यांचा अपमान केल्याबद्दल कामरा यांनी माफी मागावी, असे मुख्यमंत्री फडणवीस यांनी म्हटले आहे. दरम्यान, कुणाल कामराने इन्स्टाग्रामवर याबाबत एक लांब पोस्ट पोस्ट केली आहे. यामध्ये त्याने मी माफी मागणार नाही असे म्हटले आहे.
यामध्ये त्याने म्हटले आहे की, मला धडा शिकवण्याची धमकी देणाऱ्या नेत्यांनी हे लक्षात ठेवावे की आपल्या अभिव्यक्ती स्वातंत्र्याच्या अधिकाराचा वापर केवळ शक्तिशाली आणि श्रीमंत लोकांची खुशामत करण्यासाठी करू नये. तुमच्या अक्षमतेमुळे माझ्या अधिकाराचे स्वरूप बदलत नाही. माझ्या माहितीनुसार, आपल्या नेत्यांची आणि आपल्या राजकीय व्यवस्थेच्या सर्कसची खिल्ली उडवणे कायद्याच्या विरोधात नाही.
“जे माझा नंबर लीक करण्याचा प्रयत्न करत आहेत किंवा मला सतत कॉल करत आहेत, मला खात्री आहे की त्यांना आतापर्यंत हे समजले असेल की सर्व अनोळखी कॉल माझ्या व्हॉइसमेलवर जातात, जिथे तुम्हाला तेच गाणे वाजवले जाईल जे तुम्हाला आवडत नाही. मी माफी मागणार नाही. मी जे बोललो तेच अजित पवारांनी एकनाथ शिंदेंबद्दल म्हटले होते, असंही कुणाल कामराने पोस्टमध्ये म्हटले आहे.
