भारतीय वंशाचे प्रदीप कुमार पटेल आणि त्यांची मुलगी यांची अमेरिकेत हत्या करण्यात आली आहे. याप्रकरणी एकाला अटक करण्यात आली आहे. अमेरिकेतील व्हर्जिनिया या ठिकाणी एका स्टोअरमध्ये गोळीबार करण्यात आला. या गोळीबारात या दोघांची हत्या करण्यात आली.
२० मार्चला व्हर्जिनियामध्ये एका स्टोअरमध्ये गोळीबार करण्यात आला. या घटनेत प्रदीप कुमार पटेल आणि त्यांची मुलगी या दोघांचीही हल्लेखोराने हत्या केली. ही घटना लँकफोर्ड हायवे या ठिकाणी असलेल्या स्टोअरमध्ये घडली आहे. या प्रकरणात पोलिसांनी एका संशयिताला अटक केली आहे. जॉर्ज फ्राझइर असं या ४४ वर्षीय संशयिताचं नाव आहे. त्याला अॅकोमॅक येथील तुरुंगात धाडण्यात आलं आहे. अॅकोमॅकचे शेरीफ यांनी ही माहिती दिली. तेथील वेळेप्रमाणे २० मार्चला पहाटे ५.३० मिनिटांनी गोळीबाराची ही घटना घडली. या ठिकाणी वडील आणि मुलीचा मृत्यू झाला दरम्यान एका महिलेलाही गोळी लागली आहे तिला रुग्णालयात दाखल करण्यात आलं आहे.
