राज्याचे माजी मुख्यमंत्री आणि शिवसेनेचे पक्षप्रमुख उद्धव ठाकरेंचा राहुल गांधींच्या घरी ‘इंडिया’ आघाडीच्या बैठकीमध्ये अपमान झाल्याचा दावा खासदार तसेच पक्ष प्रवक्ते संजय राऊत यांनी खोटा ठरवला आहे. पत्रकार परिषदेमध्ये बोलताना स्क्रीनवरील प्रेझेंटेशन स्पष्ट दिसत नसल्याने पुढल्या रांगेतून आम्हीच मागील रांगेत बसायला गेलो, असं राऊत म्हणालेत. ठाकरेंवर या बैठकीमधील फोटो समोर आल्यापासून सत्ताधारी भारतीय जनता पार्टीबरोबरच एकनाथ शिंदेंच्या शिवसेनेकडून लक्ष्य केलं जात आहे. शिंदेंच्या पक्षाने केलेल्या टीकेवरुनही राऊतांनी उत्तर देताना कठोर शब्दांमध्ये निशाणा साधल्याचं दिसून आलं.
“आरे आरे आरे, काय तुमची ही किंमत उद्धव ठाकरे… शिवरायांचा वारसा सांगता ना रे… खांग्रेसच्या मीटिंगमध्ये जाऊन शेवटच्या रांगेत बसलात रे?” असं पोस्टच्या पहिल्या ओळीत नरेश म्हस्केंनी म्हटलं आहे. “बाळासाहेबांनी आम्हाला आत्मसन्मान स्वाभिमान शिकवला. अपमानाविरुद्ध पेटून उठायचा शिवरायांनी आणि बाळासाहेबांनी धडा दिला तुम्ही यातलं काहीच घेतलं नाही का रे?” असा खोचक सवालही म्हस्केंनी उपस्थित केला आहे.
यावर “आदी मुक्तेशवर नावाचे शंकाराचार्य आहेत ज्यांनी एकनाथ शिदेंच्या घरी जाऊन त्यांना आशीर्वाद देत असतात. काही धार्मिक विधी करत असतात. त्यांना शं‍कराचार्यांना स्टेट गेस्टचा दर्जा असतो. माझ्या माहितीप्रमाणे राज्याच्या गृहमंत्रालयाने काढून घेतला. का हे या म्हस्के का फस्केने सांगावं. बहुतेक आशीर्वादाचं अजीर्ण झालं. शं‍कराचार्यांना आशीर्वाद महागात पडले,” असं सूचक विधान राऊतांनी केलं.
