श्रद्धा कपूरचा आगामी चित्रपट प्रसिद्ध निर्माती एकता कपूर यांच्या बॅनरखाली तयार केला जाणार आहे. हा एक उच्च-संकल्पनेचा थरारक सिनेमा असणार आहे. या चित्रपटासाठी श्रद्धा कपूरला सुमारे १७ कोटी रुपयांचं मानधन दिलं जाणार असल्याचे समजले आहे. ही रक्कम तिच्या कारकिर्दीतील सर्वांत मोठी आहे आणि सध्या बॉलिवूडमध्ये एखाद्या अभिनेत्रीला मिळणाऱ्या मानधनात ती आघाडीची मानली जाते.
चित्रपट सध्या प्री-प्रॉडक्शन टप्प्यात आहे आणि चित्रीकरण २०२५ मध्ये सुरू होण्याची शक्यता आहे. या सिनेमाची कथा एक वेगळी, रहस्यांनी भरलेली आणि थरारक असेल, असा दावा केला जात आहे. संपूर्ण टीम चित्रपटाला खास बनवण्यासाठी सज्ज झाली आहे.
विशेष म्हणजे, श्रद्धाने या प्रोजेक्टसाठी फक्त मानधनावर करार न करता, चित्रपटाच्या नफ्यातून वाटा मिळवण्याचा कलम देखील आपल्या करारात समाविष्ट केला आहे. म्हणजेच, चित्रपट यशस्वी झाला आणि त्यातून मोठा नफा मिळाला, तर श्रद्धालाही त्यामध्ये हिस्सा मिळेल.
