आजच्या काळात नागरिकांना कायदेशीर हक्कांची जाणीव माहिती असणं गरजेचं आहे. बॉम्बे उच्च न्यायालयाचे न्यायमूर्ती मकरंद कर्णिक यांच्या हस्ते मुंबईतील दर्द से हमदर्द तक या स्वयंसेवी संस्थेच्या “लीगल एड ऑन व्हील्स” उपक्रमाचे उद्घाटन करण्यात आले. नागरिकांना, विशेषत: वंचितांना, त्यांच्या मूलभूत हक्क आणि भारतीय राज्यघटनेनुसार असलेल्या कायदेशीर हक्कांच शिक्षण देणं हे या उपक्रमाचं उद्दिष्ट आहे.प्रत्येक नागरिकाला न्याय मिळावा यासाठी पहिला उपक्रम, दर्द से हमदर्द तक ट्रस्टने 15 फेब्रुवारी 2025 रोजी मुंबई आणि मुंबई मेट्रोपॉलिटन प्रदेशात “लीगल एड ऑन व्हील्स” उपक्रम सुरू केला आहे.
न्यायमूर्ती मकरंद कर्णिक यांनी मुंबई विद्यापीठाच्या दीक्षांत हॉलमध्ये उद्घाटन करताना सांगितले की, “आम्ही प्रत्येकाला कायदेशीर मदत देण्यास वचनबद्ध आहोत. कायदेशीर सेवा प्राधिकरणाने प्रदान केलेल्या सेवांच्या अनुषंगाने हा उपक्रम आता सामान्य नागरिकांना सक्षम बनवण्यासाठी आणि राष्ट्र निर्मितीसाठी महत्त्वाचा आहे.या कार्यक्रमाला सिव्हिल अँड सेशन्स कोर्टचे मुख्य जिल्हा न्यायाधीश अनिल सुब्रमण्यम, उप -वकील जनरल प्रवीण फळदेसाई आणि मुंबईचे सेंट्रल जेलचे अधीक्षक हर्षद अहिरराव उपस्थित होते.
सुरुवातीला दोन मोबाइल वाहनांसह हा उपक्रम मुंबई मेट्रोपॉलिटन आणि जवळपासच्या भागात राबवला जाणार आहे. प्रत्येक वाहनात 2 वकील आणि 2 पॅरा कायदेशीर स्वयंसेवक असतील, जे आवश्यक भागात कायदेशीर सहाय्य प्रदान करतील. या उपक्रमात विद्यार्थ्यांना सामील करण्यासाठी मुंबईतील आठ विधी महाविद्यालयांसह सामंजस्य करार केला आहे.
ही वाहने शाळा, महाविद्यालये, झोपडपट्ट्या, न्यायालये, पोलिस स्टेशन आणि गृहनिर्माण संस्था यासारख्या भागात तैनात असतील जेणेकरून मोठ्या प्रमाणात नागरिकांपर्यंत पोहोचतील.
98331 10121 ट्रस्टने हा हेल्पलाइन क्रमांक लाँच केला आहे. या नंबरवर कायदेशीर सहाय्य किंवा मार्गदर्शनाची आवश्यकता असल्यास कॉल करून माहिती घेता येईल.
