आज बीड दौऱ्यावर असताना मनोज जरांगे पाटील असलेल्या लिफ्टचा अपघात झाल्याची घटना घडली. पहिल्या मजल्यावरून थेट जमिनीवर लिफ्ट आदळल्याने अनेकांच्या काळजाचा ठोकाच चुकला होता. सुदैवाने मनोज जरांगे पाटील सुखरुप बाहेर आले.
बीड शहरातील शिवाजीराव क्रिटीकल केअर हॉस्पिटलमध्ये रुग्णाला भेटण्यासाठी ते जात होते. त्यावेळी, अचानक लिफ्ट बिघडल्याने अपघाताची घटना घडली. त्यावेळी, या लिफ्टचे दरवाजे तोडून जरांगे पाटील यांच्यासह त्यांचे सहकारी बाहेर पडले. त्यामुळे, अनेकांचा जीव भांड्या पडला. मनोज जरांगे यांच्यावर मराठा युवकांसह लाखो कार्यकर्ते प्रेम करतात. त्यामुळे, त्यांची विशेष काळजी देखील घेतली जाते. त्यांच्यासोबत पोलिसांची सुरक्षा देखील कायम असते.
