सौदी अरेबियातील फ्लायनास एअरलाइन्स कंपनीला एका प्रवाशाला १.२५ लाख रुपये भरपाई द्यावी लागणार आहे. प्रवाशाचे सामान हरवले होते. त्यानंतर मुंबई उपनगरीय जिल्हा ग्राहक वाद निवारण आयोगाने अलिकडेच आदेशात म्हटले आहे की, फ्लायनास एअरलाइन्सकडून दुर्भावनापूर्ण निष्काळजीपणा करण्यात आला आहे. एअरलाइन्सने बॅग हरवली असल्याच कळल्यावरही शोधण्याचा प्रयत्न केला नाही.
आयोगाने एअरलाइन्सना सामान हरवल्याबद्दल तक्रारदाराला १.२५ लाख रुपये देण्याचे निर्देश दिले. ज्यामध्ये १५ जानेवारी २०२५ पासून ते पैसे देईपर्यंत सहा टक्के व्याज समाविष्ट आहे. एअरलाइन्सला मानसिक त्रासासाठी १०,००० रुपये भरपाई देण्याचेही आदेश देण्यात आले.
तक्रारकर्त्याने सांगितले की, इस्तंबूल विमानतळावर त्याने चेक-इनसाठी पाच बॅगा दिल्या होत्या. एअरलाइन कर्मचाऱ्यांनी चुकून फक्त चार बॅगा टॅग केल्या. पाचवी बॅग कन्व्हेयर बेल्टवर टॅगशिवाय गेली. तिकीट आणि बॅग काउंटरवर उपस्थित असलेल्या कर्मचाऱ्यांना याची माहिती देण्यात आली.
