उपराष्ट्रपती जगदीप धनखड यांना रविवारी पहाटे अस्वस्थ वाटू लागल्याने आणि छातीत दुखू लागल्याने दिल्लीतील एम्स रुग्णालयात दाखल करण्यात आले असल्याची एएनआयने सूत्रांच्या हवाल्याने या संदर्भात सोशल मीडियावर पोस्ट केली आहे.
७३ वर्षीय धनखड यांना पहाटे २ वाजता रुग्णालयात नेण्यात आले आणि एम्समधील कार्डिओलॉजी विभागाचे प्रमुख डॉ. राजीव नारंग यांच्या देखरेखीखाली क्रिटिकल केअर युनिटमध्ये दाखल करण्यात आले आहे. त्यांची प्रकृती सध्या स्थिर असून डॉक्टरांच्या निरिक्षणाखाली आहेत.
